SUTSATA CULTURALA ARMANEASCA - Habarea Armaneasca

VÂ ASHTIPTĂMU LA SUTSATĂ !

06 MARTSU, oara Dzuua a Dadiloru.

13 MARTSU oara 11, adunarea generalâ ti alâxirea a Statutlui a sutsatâljei. Cara s-nu s-adunâ 51% di membri, va u tsânemu alantâ sâmbâtâ, 20 martsu, oara 11.

20 MARTSU la Cinemateca, sala UNION, str. Ion Câmpineanu, ninga magazinlu ADAM shi Sala a Palatlui, la oara 15, Arhiva Natsional&# 525m1223f 259; de Filme va prezinta maxusu ti noi unu filmu a fratsloru Manakia, adratu la 1916

27 MARTSU oara 11, la Sutsatâ va s-tsânâ Simpozionlu andreptu di Fundatsia BANA ARMÂNEASCÂ : IDENTITATEA ARMÂNEASCÂ Di la oara 16, la sala ARCUB, va hibâ dati Premiili a fundatsiljei. Dupu aestâ, unu mushatu spectacolu cu oaspits armânj ditu Makidunii shi ditu Vâryârii, ama shi cu Pilisterlu a nostru. Dicsearâ, di la oara 20, tuts la ristorantulu Intermacedonia, iu va cântâ Hrista Lupci shi va nâ hârsimu câ himu iara deadunu.

Uramu a domnului Vasili Barba,

alumtâtoru trâ armânami, ti dzuua tsi u yurtusi tu 16 di Shcurtu : MULTSÂ ANJ CU HARAUÂ SHI SÂNÂTATI ! SHI

S-HIBÂ DAIMA TINIRU !

Uramu shi a domnului Tacu Piceava, vecljulu prezidentu a Sutsatâljei, TRÂ MULTSÂ ANJ CU SÂNÂTATI ! ti dzuua di 19 di Yinaru. Multu mushatu âlu caracteriza Andon Kristo 'Piceava easti ma multu alumtatoru di câtu diplumatu! Piceava easti un armânu vârtosu, cu temperamentu.'

Sâmbâtâ 7 di Shcurtu, Sutsata Armânjloru di Veria yurtisi Corlu a Sutsatâljei, icâ Dzuua a Sutsatâljei. S-adunarâ la unu ristaurantu ma nsusu di 400 armânj ditu câsâba shi di anvârliga, iu acâtsarâ unu coru mari prota cama njitslji, cu mushati stranji armâneshtsâ. Eara câlisits primarlu, parlamentari ali Gârtsii, Sutiri Bletsa di la EBLUL, Aurica Piha shi Zoe Carabash di la SCA, Irina Paris di la RRI, Lifteri Naum di la Societatea de cultura Macedo-Româna. Armânjlji sh-hârsirâ suflitlu cu cântitsli alu Yoryi Maneca shi Nico Aviero. Tu dipisitâ s-organiza unâ mushatâ tombolâ.

Di la Mariana Caciandoni-Budesh aflamu câ RADIO CUSTANTSA umplu 13 di anj di emisii tru limba armâneascâ.

Tu a 3-a stâmânâ ditu meslu Yinaru 1991 s-aminta prota emisiuni ti armânj dit România la un postu di radio di statu.

Prota anchisirâ s-adarâ emisia Steliana Bajdechi shi Aurel Papari. Dupu elj vinirâ Maria Pariza, Sirma Guci, Stelian Arau, Cornelia Pariza, Sorin Calaigi, Mariana Caciandoni-Budesh. Emisiunea ari ca scupo dishtiptarea conshtiintsâljei natsionalâ a armânjlor lucurlu ti cultura armâneascâ, ti iholu safi armânescu, tsi azburashti nai ma ghini ti identitatea ahoryea a armânjloru. Ditu emisiuni armânjli anveatsâ nali ditu bana armânjiloru di iutsido. Mariana Caciandoni-Budesh minduiashti câ tu initoru kirolu di emisii va creascâ, iara ascultâtorilji va ashteaptâ cu ma multa mirachi tu casili a lor zborlu armânescu.

Ca hara di armânjlji di Custantsa

Comitetlu di cumânduseari a Sutsatâljei a noastrâ andreadzi tora unâ caftari la Radio Bucureshti, ta s-avdzâmu shi noi emisia di la RADIO ROMÂNIA INTERNATSIONAL, tsi u acatsâ mashi armânlji di nafoarâ.

Sabina Ispas, directoari a Institutlui di Etnografii shi Folcloru, azburâ ti cultura bizantinâ di limbâ latinâ la armânj. Aspusi câ nu easti cunuscutu dealihea sistemlu shi identitatea a folclorlui armânescu. Prof. Alexandru Gica antriba câtse nu easti studiatâ aua tu Românii shi componenta greacâ ditu cultura armâneascâ. Subiectulu easti dealihea delicatu tu Românii.

Etnomuzicologlu Marian Lupashcu, cându asculta pareia PILISTERLU cumu cânta, caracteriza ashi muzica armâneascâ : pentatonalâ (5 tonuri) shi asimetricâ, multu veaclje. Tora u au mashi Coptsâlji crishtinj ditu Eghiptu shi populu ditu muntsâlj Tibetu. Aestâ cântari greu s-anyrâpseashti cu noti muzicali, lipseashti s-hibâ anvitsatâ di la atselj tsi u cântâ. Altâ turlii va chearâ shi easti amârtii. Mashi di pi carti, canu nu poati s-u anveatsâ.
Ti aestâ, vâ pâlâcârsimu atselj tsi shtiu s-cântâ vecljulu cânticu armânescu, s-yinits la Sutsatâ shi s-anvitsats ficiorlji cumu lipseashti s-cântâ !
Cafi sâmbâtâ vâ ashtiptamu !

Va lomu sâhârichi aua câ la repetitsiili tsi li adarâ PILISTERLU cafi sâmbâtâ, avemu haraua s-hibâ urnipsits di marli a nostru coregrafu ION TUGEARU. Nâsu andreadzi cu elj spectacolili di aua shi nâinti.

2511.1-11438.1 / ROL ;

2511.1-11438.2 / EURO ;

2511.1-11438.3 / USD ;

e-mail : sutsata@yahoo.com

Sediulu easti dishcljisu cafi dzuuâ di la sihatea 16 la sihatea 20, iara Lunea shi Gioia shi tahina di la 10 la 12.